ابوها رفع السماعة يا حلو ...!!! أنن أنن اااااااااااه تش !!!

طبعا فهمتوا قصدى من العنوان ...

الا صحيح تعمل ايه لو ابوها رفع السماعه !!!

تخيل سعادتك كده مأنتخ علي السرير الساعة اتنين بالليل ومضلم الأوضة ومسلك سلك التليفون من الصالة,وواخد غطس تحت اللحاف وفي وسط الأشواق الملهلبة...

بتحبني ياتوفيق؟

طبعا ياجمالات دانتي الهوا اللي بتنفسه والميه اللي بشربها.... ناقص تقولها السجارة اللي بتكيفني

يعني مش هتتخلي عني أبدا

عمري ياحبي وحتي تنطفيء النجوم

وحتي يقع القمر

وحتي يفوز الزمالك علي الأهلي

عيب تقولي كده ياجمالات

سمعتي أغنية بحبك بتاعة رامي صبري؟.

اه مالها ياحبيبي....

.كل كلمة فيها بتفكرني بيكي يانور عيني

بحبك نفسي أقولهالك: وانا ايدي في ايد....

وفجأه ...

نعم يا.........؟

.وهنا هنقول ستوب ونوقف المشهد ونبدأ نسأل السؤال هتعمل ايه ساعتها يا حلو ؟طب تيجى نتخيل سيناريوهات مختلفة للي ممكن يحصل

ممكن مثلا تقفل السكة وطبعا لمدة اتناشر سنه قدام هتلاقي البت تليفونها مقفول ومبتجيش جامعة.......والسيناريو ده يجرنا لتساؤل تاني

في الحاله دي تعمل واد محترم بقي وتروح تتقدملها وغرضي شريف واسف ياعمي وجاي من الباب والكلام ده

ولا تبقي واد روش موديل 2007 خارج من الاجنص حالا وتخلي واحدة صاحبتها تكلمها؟

ولا تطلع ندل وتنفضلها واهو البنات اكتر من الهم علي القلب وتيجي واحدة مكانها؟

ده سيناريو مكتمل محتمل للي ممكن يحصل

فيه سيناريو تاني

.نعم يا.........؟......ده أبوها

ساعتها انت موش هتقفل السكة

ثواني ياعمي أنا والله بحب جمالات بس مستني وقت أرتبط بيها

وهنا هيختلف رد فعل الأب حسب شخصيته يعني ممكن يكون راجل جنتل ويقولك

حب ايه ياحيلة الست الحاجة روح ياض العب بعيد

وممكن يكون راجل عقلاني....

هو يابني اللي يحب حد يكلمه الساعة دي

لو اختك ترضي حد يكلمها كده؟

يابني اللي بيحب حد ميخلهوش يعمل حاجه غلط ولو حتي باسم الحب

.وعموما يابني ممكن أعرف انت عايز ايه دلوقت؟

وهنا هتبان نواياك

يااما تاخد منه معاد تقابله وتكلمه وتشرحله ظروفك

يااما تقول ياعمي انا نفسي اكلمها وافضل معاها سنتين تلاتة لحد مااكوم نفسي وطبعا بما أنه راجل محترم فرده هيبقي

.تك....صوت سماعة بتتحط وسكة بتتقفل في وشك
فيه سيناريو تالت

أنك تطلع ندل وترد عليه

ماتشتمش يابا الحاج انت متلم بنتك ياأخويا

انا مضربتهاش علي ايدها

وطبعا رد فعل الراجل علي بق زي ده

يااما هيقع علي الكرسي من الصدمة وتسمع صوت (بابا بابا)

أو هيرد علي كلامك

وممكن يبقي فيه سيناريو تالت

أول ماابوها يدخل...هتلاقي جمالاات بتقولك

ثواني ياتيفا...بتدلعك ياعم مين قدك يابختك

فيه حاجة يابابا مخبطتش ليه قبل ماتدخل.

.معلش ياجمالاات اصلي كنت بدور علي حاجة معلش اني مخبطتش

.طيب يابابا عاوز حاجة؟

لا خلاص هدور في أوضة تانية

وفيه سيناريو كمان

.وده بقي محتاج واد ابن جنية

وهو انك اول ماتلاقي صوت أبوها فجأة ترقق صوتك علي قد ماتقدر وتعمل نفسك واحدة صحبتها وعشان السيناريو ده ينجح فانت محتاج أب اهبل عشان يصدقه
أو ممكن حاجة أسهل انك تتكلم بمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش

وفي الحالة دي يااما الراجل هيديك فاصل شتيمة في أختك وفي نخوتك وأخلاقك (أوعي تصدق نفسك وترد عليه لأنك مفيش أخت ولا حاجة)

أو ممكن يطلع الراجل تربية فكرية ويصدق ويقولك أما توصل يابني ابقوا طمنونا
طبعا أنا مقلتش الموضوع من ناحية البنت بمعني لو أبوكي رفع السماعة(مش تعصب ضد حكوك المرأه لا سمح الله)بس لأن السيناريو معروف وده تقريبا اللى بيحصل

.لو أبوها راجل ودمه حامي

فيبقي اللي تقدر تعمله بس انها تكون لها علاقات في المستشفيات خصوصا قسم العظام
عشان يتوصوا بيها و بيك انت كمان

ايه رايك انت وهى وهو وهو فى الكلام ده

اساسى بيحصل وممكن يكون حد فيكو عرف كام موقف من ده اما صديقه او هو نفسه او اى حد معرفه

قولى بقا يا حدق هتعمل انت ايه لو حصلك الموقف ده ؟؟

وانتى كمان يا قمرايه انتى لو حصلك الموقف ده حطى نفسك مكان جمالات وقوليلنا رد فعلك ..

ههههههههههههههههههههههههههه

صدقى اكتر حد صعبان عليه ف الموضوع مين

رامى صبرى عشان اغنيته ما كملتش

ههههههههههههههههههههههههههههههه

عموما انا لو ف الموقف دى هو الحمد لله ما حصلشى معايا خالص

بس لو انا ف الموقف دى هاعمل حاجة واحدة

هاقفل السكة اول ما الاقى ابويا داخل

هو انا لسه هاخليه يمسك السماعة

ههههههههههههههههههههههههههه

ههههههههههههه جامدة يا همس

بس افرضي باباكى كان رفع سماعة تانية ف البيت وانتى بتتكلمى ؟؟؟؟؟

ما هو لو انا ذكية

هاشيل فيشة السماعة التانية

بصى الجبن نص الجدعنة

وعموما لو استغبيت وسبتها

ابقى اضحك على ابويا وافهمه انى مشتركة ف فرقة تمثيل

وكنا بنعمل بروفة

هههههههههههههههههههههههههههههههههه

والا ايه

هههههههههههههههههههههه حلوة الفكرة برضو مع انك مش مجرباها ههههههههههههه

تقصدىى ايه يا ميرو

هههههههههههههههههههههه

وربنا ما مجرباها

انا بحاول الاقى حل للبت الغلبانة دى

طب والله ما هاقولها تعمل ايه

وحليه يموتها بقى

ههههههههههههههههههههههههههههه

هههههههههههههههههههههههه
لا هسال على طول
عبد الموجود موجود
عشان انا عايز اتنين كيلو جمبرى
هههههههههههههههههههههههههههههههههههههه

هههههههههههههههه

ايه الحلاوه دي يا اميره

تسلم ايدك

hero_hamada كتب:: هههههههههههههههههههههههه
لا هسال على طول
عبد الموجود موجود
عشان انا عايز اتنين كيلو جمبرى
هههههههههههههههههههههههههههههههههههههه

هههههههههههههه ماشي يا عبدالموجود يا نصاااااب

جيمي كتب:: هههههههههههههههه

ايه الحلاوه دي يا اميره

تسلم ايدك

اى خدعة يا جيمي ومنور المنتدى من جديد والله

هوا ايه اللي حصل في المنتدي

وكل المواضيع اللي فيه اتحذفت

واتغير وكدا

؟؟؟؟؟؟؟؟؟؟

بعيد عنك وعن السامعين حد كده حسدنا وحسد المنتدى وحب يعمل فينا المقلب ده وكل شئ رااااااااح بس الحمدلله المنتدى رجع واحنا ف ايدينا نظبط المواضيع تانى بقى وكده وكل سنة وانت طيب يا عمي مبسوط